Dvergarnir á fjórhjólum

Nokkrar myndir af fjórhjólaralli

2009-02-11T22:10:00.003Z

Hjálparsveit skáta Garðabæ stóð fyrir ráðstefnu um notkun fjórhjóla í björgunarsveitum laugardaginn 7. febrúar 2009. Góð mæting var og gaman að sjá að notkun þessara hjóla er að komast á flug í björgunarstarfi.

Kíktu á myndirnar

Jósepsdalur og nágrenni 5. janúar

2008-01-06T23:57:00.000Z

Jæja, þrettánda helgin liðin og síðasti jólasveinninn á leið til fjalla. Búin að vera frekar rólegur í vikunni en náði samt að skjótast í góða veðrinu í gær með Einari á fjórhjól. Ætluðum að taka mjög stuttan túr og rólegan í nágrenni borgarinnar en úr varð 5-6 tíma ferð og hörku "action". Jæja við renndum okkur úr bænum í brakandi blíðu, rétt við frostmark og logni.

Tókum stefnuna eftir Suðurlandsvegi og ætluðum að komast inná línu veg austan megin við hann. Lentum þó í basli með ána sem við þurftum að þvera (mjög mikið í henni v/rigninga undanfarið) og ákv. að sleppa henni. Renndum því upp á flugvöllinn við Sandskeið og tókum gamlan slóða frá grifjunum þar meðfram Vífilfellinu, kíktum á Arnarsetur (skátaskála Ægisbúa) og héldum svo áfram upp brekkurnar í átt að Bláfjöllum. Slóðin er mjög erfiður grýttur og rofin á mörgum skoðum. Það hjálpaði helling þegar ofar dró að nóg var að snjó í lægðum og giljum og gátum við brunað þar í góðu harðfenni upp brattar brekkur og gil, alveg þagnað til við komum upp á Bláfjallaveg 2 km. frá skíðasvæðinu.Þar var ákveðið að halda "næstum" sömu leið til baka enda bráðskemmtileg og tók bakaleiðin mun styttri tíma. Þegar að Sandskeiði var komið fórum við hjólaleiðina austur með Vífilfellinu upp að mótórhjólabrautinni við Jósepsdal. Keyrðum inn í Jósepsdal og vorum á leið til baka út úr dalnum þegar Einari datt í hug að kíkja upp gilið sunnan megin sem liggur uppað Sauðadalshnúkum. Gilið er venjulega ófært fjórhjólum en mótorkross hjól fara það oft á sumrin. Við fórum það núna enda snjór sem hjálpaði okkur upp meirihlutann. Það þurfti að taka á stóra sínum síðustu 20 metrana upp gilið og hjálpuðumst við að með það.Þegar upp var komið stoppuðum við hjá gömlu A skála sem er við það að hverfa en ég man eftir að einhverjir skátar höfðu gist þar í þá gömlu góðu.. Jæja, komnir upp og því ekki annað að gera en að finna leið niður. Tvö mótórhjól komust upp á sama tíma og við og fóru niður sunnan megin (Svínahraunsmegin). Þar sem ég hafði farið þá leið einu og hálfu ári áður þá ákv. við að reyna. Úr varð heljarskemmtun enda gilið tölvuvert breytt og skornara og á mörkunum fyrir fjórhjól. Líka var snjór í hlíðinni sem þurfti að skera í hliðarhalla og hékk Einar á hjólinu hjá mér yfir þann kafla. Tvö fjórhjól komu á eftir okkur upp, en ákv. að fara niður annars staðar. Við hjóluðum svo að Ólafsskarði en þar stendur gamall skáli Skíðadeildar Ármans, en við skátar köllum Skæruliðaskálann eða Skæra. Þar á ég margar góðar og skemmtilegar minningar enda gisti þar oft sem ungur skáti. Skálinn er algjörlega ónothæfur en stendur enn og væri frábært að hafa þarna nothæfann skála. Að þessu loknu hjóluðum við austur eftir Svínahrauni fram hjá Eldborg og út á þjóðveg. Enduðum á Litlu kaffistofunn í kakó og smá bakkelsi en þar er gott að stoppa aðeins og líta yfir daginn.Fleiri myndir í fjórhjóla myndaalbúminu.

Ný síða í vinnslu

2007-12-21T13:14:00.000Z

Jæja, fyrir myndaþyrsta og áhugasama er nú hægt að skoða nýja mynda- og bloggsíðu hjá mér. Áfram mun ég þó setja inn fjórhjólatengt efni á þessa síðu en myndir og efni sem ég deili hér með ykkur verður í raun geymdar á nýju síðunni. Bein slóð á hana er www.123.is/gylfigylfason en einnig er linkur hér niðri vinstra megin á hana.
Auðvitað hlaut að koma að því að einhver rak augun í góðar fjórhjólamyndir og má sjá í 24 stundum 21. des. á bls. 48 nokkrar góðar myndir og umfjöllun um Canam ferð á Skjalbreið í byrjun desember þar. Einnig er hægt að sækja blaðið hér á pdf. formi.
Gylfi Þór

Topp 20 listinn

2007-12-20T05:02:00.000Z

Smá misnotkun á aðstöðu. Eins og flestir vita sem þekkja mig tek ég svolítið af myndum. Ég hef nenfilega ekki bara gaman af því að hjóla, ég hef hreinlega almennt gaman af útivist, ferðalögum, göngum o.s.frv. Ákvað í tilefni hátíðarinnar að deila nokkrum góðum myndum sem ég á. Byrja á því að skella inn nokkrum landslagsmyndum og bæti kannski við nokkrum skemmtilegum mannlífsmyndum síðar. Njótið vel. Fjórhjólamyndir koma strax og við förum í næsta túr.

Smellið hér.

GÞG

Skjaldbreiður 8. desember 2007 - Can am klúbburinn

2007-12-10T10:36:00.000Z

Laugardagurinn 8. desember líður mér seint úr minnum. Við hittumst kl. 10 við N1 í Mosó og var stefnan tekin á Þingvelli. Þaðan lögðu 12 hjól bæði Outlander og Renegade + eitt á beltum. Stefnan var tekin á Skjaldbreið og ekki leið á löngu áður en við vorum komnir að rótum hans í ægifögru veðri . Færið var gott fyrir hjólin og við flugum upp á topp. Þaðan var svo haldið niður austan megin eftir smá leik í gígnum. Þar sem tíminn var góður og við höfðum góð birtuskilyrði var ákveðið að taka Langjökul líka. Var það gert með góðri hálp nokkurra vélsleðamanna sem seldu þeim sem voru lítið bensín af birgðum sínum.

Það gekk fínt að bruna uppá jökul og á hæsta punkti var tekin smá pása. Þar skiptist hópurinn og fór hluti niður aftur austan megin að Geysi en við hinir tókum stefnuna á Kaldadal. Það var smá snjór í Kaldadal og var aðeins verið að leika sér á leið inn að Þingvöllum. Þangað vorum við komnir í svartamyrki og stjörnubjörtu um kl. 18 og drifum við okkur í bæinn.

Allt gekk þetta áfallalaust fyrir sig utan þess að að bremsurnar á einu Renegade hjólinu ofhitnuðu aðeins. Tvímælalaust algjör Toppferð. Myndir hér.

24. nóvember Hólaskógur - Hekla

2007-11-24T23:28:00.001Z

Stuð ferð með 18 outlander félögum, þarf af nokkrum útlendingum. Við Einar lögðum af stað klukkan 8 um morgunin frá Garfarvogi í björtu, fallegu en köldu veðri. Keyrðum á hjólunum inn að Hólaskógi þar sem hópurinn var saman komin og ferðbúin um kl. 10:30.
Ekki að spyrja að því að ferðin var mesta ævintýr, Ein velta, einn skilin eftir, sprungið dekk x 2 og fleira + fullt af snjó. Meira um það síðar en hér eru myndir.
Gylfi

Mótormaxferð 28. október 2007

2007-10-29T20:43:00.000Z

Frábær ferð í enn betra veðri með 14 fjórhjólaköppum á 13 hjólum. Farin var leiðin frá Hafravatni yfir á Reykjafell, þar niður og inn Skammadal og inní Reykjadal. Keyrt var þjóðveginn að Skálafelli og ekið í smá snjó í brekkunum upp og endað úti á Skálafellsöxli. Svo var haldið niður og aðeins austur og ekið inn leiðina í Hvalfjörð.
Þegar komið var að Vindáshlíð var beygt til vesturs og ekið inn Svínadal og upp Svínaskarð við stórbrotnar aðstæður. Þar var svo farið niður vestur megin og ekið með Esjunni innað Kollafirði þangað sem ekið var eftir þjóðvegi 1 uppá KFC í Mosó, þar sem leiðir skyldu.
Gylfi Þór

Hálendisferð félaganna 20-23. ágúst 2007

2007-09-06T16:18:00.000Z

Jæja, loksins eitthvað komið hér inn frá okkur félögunum. Reyndar ýmislegt gerst yfir sumarið en það á eftir að rata alla leið hingað.
Hvað um það eftir smá varahlutabið í hjólið hjá undirrituðum, þá komumst við loks af stað í löngu skipulagða ferð um öræfi landsins.
Við ákváðum að hjóla alla leið úr bílskúrnum frá Einari og ókum sem leið lá austur fyrir fjall og inn Þjórsárdalinn, þar sem lokaáfylling fyrir hálendið bæði bensín og subbufæði var tekinn við Sigöldu. Því næst var brunað af stað sem leið lá upp að Þórisvatni og inná Sprengisandinn í köldu en jafnframt ægifallegu og björt veðri. Við komum um kl. 22 innað Nýjadal í myrkri en þó fullu tungli. Gekk það vel að því undnanskyldu að ég missti talstöðvina á leiðinni og týndi nokkrum tökkum af henni en það sem skipti máli virkaði í henni.
Við áðum í Nýja dal, ásamt frökkum og fleiri útlendingum og fórum snemma í háttinn. Ég var árisull og komin á fætur uppúr kl. 06 og vakti Einar svo tæpum klst. síðar. Við vorum lagðir af stað vel fyrir 8 enda langur dagur framundan, sjálf Gæsavatnaleið. Við byrjuðum á að brjóta klaka í veginum fyrstu km. enda hafði fyrst aðeins um nóttina.
Við keyrðum norður fyrir Tungnafellsjökul, og fórum inná Austurleið og svo útaf henni inná Gæsavatnaleið að Gæsavötnum. Þar stoppuðum við stutt og nutum blíðunnar.
Áfram héldum við og færðumst nær ógurlegum Vatnajöklinum sem blasti við okkur og keyrðum áfram að Kistufelli þar sem ég tók stuttan stopp í litla kofanum áður en við keyrðu grýttann Urðarhálsinn sem er ekki fyrir hvaða tæki sem er.
Yfir skræfaþunnar flæðurnar renndum við norður að Öskjufjöllum og náðum í Drekagil rétt um hádegisbil eftir eina æðisgengnustu keyrslu sem ég hef keyrt. Því verður held ég ekki lýst með orðum hvað þessi leið var skemmtileg á þessum tækjum. Þú verður bara að prófa.
Jæja smá háfleigur þarna, en að lifrapilsu og smá brauði loknum, fórum við inna að Öskju. Gengum af sjálfsögðu en það tók ca. 25 mín að vatninu, 25 mín. í myndatöku og svo aðrar 25 til baka..... 25,25,25 jebb. Síðan var stefnan tekin lengra norður þar sem Herðubreið drottning með sæmd tók á móti okkur rétt áður en við komum inní Herðubreiðalindir.
Þar ca. 2 km. áður hafði Einar tekið efitr því að bíll sem við tókum fram úr hljómaði eitthvað einkennilega og hafði orð á því að eitthvað væri að.
Jæja við hittum Landvörðin hana Gerði og vorum að spjalla eitthvað þegar bilaður bílaleigubíll með tvo útlendinga rendi í hlað. Einar skellti sér af sjálfsögðu í húddið og fann út úr hvað hrjáði greyrið og með hjálp NMT síma í landvarðarhúsinu ákv. bílaleigan að senda varahlut morgunin eftir.
Við vorum svo heppnir að þar sem skálinn var fullur af norðlenskum skólabörnum að þá skaut hún yndislega Gerður yfir okkur skjólshúsi, enda fámennt í kofanum og landvörðum hafði farið fækkandi síðustu dagana. Við slógum því upp smá veislu og grilluðum og höfðum það náðugt fram eftir kvöldi í faðmi Herðubreiðar.
Daginn eftir var blíðviðrinu slotað og komin smá mugga, þannig að tækifæri gafst til að fara í "flotgallana" okkar Einars. Við keyrðum því næst á Mývatn og tókum daginn í að renna okkur vestur eftir landinu á malbikinu að Vatnsdalnum þar sem við áttum skjól í góðu húsi hjá tengdamóður Einars. Það má nú samt nefna að við stoppuðum á Mótormax verkstæðinu á Akureyri og Einar lét tékka á hjólinu sínu í tölvunni, því hann var alltaf að fá einhver skrítin skilaboð á tölvuskjáinn hjá sér. Ekkert vafasamt kom í ljós þá og í útídúr má nefna að þegar í bæinn var komið þá kom það í ljós að rafgeymirinn var ekki að hlaða.
Jæja eftir góða nótt í Vatnsdalnum vöknuðum við upp í blautu veðri og bjuggumst við því versta, enda Arnarvatnsheiðin framundan. Fljótlega þegar uppá heiðina var komið leit veðrið þó betur út og hélst bara sæmilegt í bæinn, utan smá kafla efst á heiðinni.
Ég hafði haft af því töluverðar áhyggjur að ég myndi nú gata dekk á allri þessari leið, en varð heldur en ekki hissa þegar í ljós kom í grenjandi rigningu efst á Arnarvatnsheiðinni að Einar setti tvö göt á hægra afturhjólið. Jæja, því var snögglega kippt í liðin og keyrt sem leið lá niður af heiðinni með Eiríksjökli sem sást nú ekki vegna skýjafars.
Loksins loksins á síðustu metrunum kom sæmileg á til að kross yfir en Norðlingafljót var sú eina sem tók eitthvað af viti í enda búið að vera þurrt síðustu vikur. Í Húsafelli tókum við bensín, en héldum svo Kaldadalinn í bæinn og þegar þangað var komið talst Einari svo til að um 1.100 km. væru að baki.
Gylfi Þór

Hálendisgæsla HSG 20-22. júlí 2007

2007-09-06T14:45:00.000Z

Við félagarnir ákváðum að taka þátt í verkefni HSG (Hjálparsveit skáta Garðabæ) sem ég er meðlimur í og nýorðin hluti af nýjum fjórhjólaflokki. En HSG tekur núna þátt í hálendisgæslunni eins og í fyrra. Ákv. var að taka hjólin með og prófa eina helgi og renna með hjálparsveitatrukknum eitthvað um Fjallabak Suður en svæðið náði frá honum og suður í Þórsmörk.
Ég og Einar geymdum hjólin okkar í Hólaskógi en þangað komum við eftir miðnætti á föstudagskvöldinu. Við renndum okkur af stað inn að Landmannalaugum eftir Landmannaleið, en þar ætluðum við að hitta tvö HSG hjólin og Gumma sem var á eigin hjóli eins og við.
Það var fínasta veður og vorum við komnir millli 4 og 5 á staðinn en fundum enga aðra hjólamenn þar. Í ljós kom svo að það hafði orðið smá miskilningur í fjarskiptatækjunum og þeir höfðu miskilið úr hvaða átt við kæmum (héldu að við kæmum frá Hólaskjóli) sem er lengst í burtu í hina áttina) og höfðu farið á móts við okkur.
Eftir að greitt var úr því var ákveðið að í staðinn fyrir að leggja sig eins og siðaðið menn þá átti að fara innað Álftavatni og gista. Lögðum við því að stað, má segja mjög árla morguns 21. júlí og það án þess að vera búnir að leggja okkur (crazy people).
Þangað komum við nokkrum klst. síðar eftir að hafa keyrt yfir Hrafntinnusker í svarta þoku. Þar voru árrisulir göngumenn að koma sér á fætur og ákv. við að keyra nokkra km. lengra inní Hvanngil og þar gistum við. Ég og Einar plöntuðum okkur í litla tjaldið mitt en hinir, Elvar, Palli, Gummi og Jakob byrjuðu að tjalda sínu en enduðu á því að sofa ofan á tjaldinu og Elvar uppá fjórhjólinu sínu...........,,
Jæja við vöknuðum rétt uppúr hádegi og héldum inní Emstur þar sem við hittum 3 aðra úr HSG á trukk sveitarinnar. Fórum með þeim Mælifellssandinn inn að Strút í kaffi til hennar ÍBÍ og var veðrið þennan dag alveg frábært. Enduðum svo aftur í Álftavatni um kvöldið þar sem við fengum fínar móttökur frá skálaverðinum. Morgunin eftir var svo haldið Krakátindaleið fram hjá Heklu og tókum við með skálavörðin en hún þurfti að komast í bæinn og vantaði far. Bíll HSG hélt áfram gæslu á Fjallabaki suður.
GÞG

Langjökull 21. apríl 2007 - Þursaborg

2007-05-01T02:58:00.000Z

Jæja, loksins náðum við smá keyrslu á jöklinum. Höfðum að vísu aðeins prófað Snæfellsjökul en þetta var almennilegt. Fórum 10 á sunnudagsmorgninum með hjólin á kerrunni Húsafellsmegin upp að Jaka. Þar voru nokkrar vélsleðakerrur fyrir en hífandi rok a.m.k. 15-17metrar gæti ég trúað og vorum við næstum hættir við þetta en ákváðum nú samt að láta slag standa komnir þetta langt og greinilegt að einhverjir voru á jöklinum.
Eftir klukkutímabrölt upp jökulinn í mjög blautu og erfiðu færi komumst við loks uppá jökulbrúnina. Þar tók við mun minni vindur og hélst þannig að miklu leiti á jöklinum ásamt því að nokkuð hlýtt var í veðri. Eftir að hafa skoðað skála Jöklarannsóknarfélagins sem var í togi aftan í snjóbíl HSSR var stefnan tekin inná jökullinn og að Þursaborg. Þangað náðum við á ca. 1,5 klukkustund á 30-35km. hraða enda þungt færi og smá vind á móti og skiptumst við Einar á að troða.
Þar var tekin stutt pása í björtu og heitu veðri og spjallað við stráka úr björgunarsveit Biskupstungna en þeir voru á 3 jeppum og 2 sleðum.
Þá var haldið sömu leið til baka á töluvert meiri hraða enda keyrðum við í sömu förum og vorum nokkuð snöggir niður að Jaka.

Höfum nokkrar myndir hér.

Hellisheiði 28. apríl 2007

2007-05-01T02:50:00.000Z

Fór stuttan 5 tíma túr með félögum úr HSG í reynsluakstri og fyrstu ferð á nýjum fákum sveitarinnar Polaris 550 hjólum. Þrátt fyrir verulegan vindstreng var veðrið bara gott að öðru leiti þ.e. hlýtt og bjart og hafði lítil áhrif á okkur.
Fjögur fjórhjól voru í för og mætti Óskar einnig á krossarnum og bróðir hans var svo með undir lokin.
Við keyrðum úr bænum og rendum yfir heiðina þvers og kruss og fórum m.a. Þúsundvatnaleiðina.

Set hér nokkrar myndir úr ferðinni. Kíkið á hér.

Hólaskógur - Hekla - Páskar 2007

2007-05-01T02:35:00.000Z

Á Skírdag var haldið í Hólaskóg til Unnars og Helga en þeir eru nú staðarhaldarar í húsinu þar og eru að starta fjórlhjólaleigu. Við ætluðum að kíkja í Hrafntinnusker en jeppar sem voru líka með í för lentu í smá vandræðum með krapa inná Landmannaleið og var því ákveðið að skutlast uppá Heklu.
Úr varð frábær för á 3 fjórhjólum Range Rover og breskum Landrover sem reyndar fór ekki langt. Að lokum komumst við uppá topp með nokkra Breta með í för sem fengu ævintýri lífsins út úr ferðinni uppá Heklu í frábæru færi og þrusu veðri.
Föstudaginn langa héldum við Einar með nokkrum Dönum (skátavinir systur hans Einars) í þrusu ferð um Þjórsárdalinn og í leiðinni skutumst við Einar uppá Búrfellið. Á laugardeginum keyrðum við inneftir uppustöðulóni Búrfellsvirkjunar og eitthvað áleiðis slóða í áttina að Setrinu. Þurftum að snúa við hjá Blautukvísl vegna krapa og bleytu en það var sami staður og nokkrir jeppar höfðu snúið við daginn áður eftir að hafa fest tvo jeppa þar.
Annar bara alveg súpergóð ferð og fínt að hafa aðsetur í flottu húsi í Hólaskógi í góðum company eins og maður segir.

Auðvitað eru slatti af myndum inná myndasíðunni og m.a. nokkrar í minni gæðum sem teknar eru úr Videofilum. Sjá hér.

Páskarinir 2007

2007-04-03T12:35:00.000Z

Jæja, nú er Einar komin frá Ítalíu eftir su.. og sv´.,j . oj. en jæja við ætlum sem sagt að kíkja aðeins út úr bænum um páskahelgina.
Stefnan er tekin á Hólaskóg og ætlunin að halda þaðan á skemmtilegar slóðir. Gæti orðið Landmannalaugar eða jafnvel Setrið inn við Hofsjökull. Segjum frá því öllu saman þegar ég hef raunverulega frá einhverju að segja.
bæjó

Farin Þjóðleiðin um Svínaskarð yfir í Kjós 24. feb 07

2007-03-20T03:12:00.000Z

Þurftum aðeins að viðra okkur og kíktum yfir Svínaskarð, þ.e. þjóðleiðina frá Esjudalnum yfir Svínaskarð í Svínadal. Leiðin liggur milli Móskarðshnjúka og Skálafells. Fórum þetta 24. febrúar í súper flottu veðri. Leiðin upp skarðið var nokkuð greiðfær og snjór lítill. Þegar við héldum austur niður skarðið var meira um klaka og snjó og þurfti að fara mjög varlega síðstu 200 metrana niður að gilinu. Þar lentum við svo í miklum vandræðum því heljarinnar skafl sá til þess að góðar líkur voru á að velta hjólunum niður í gil vegna hliðarhalla. Brugðu jaxlarnir þá á það ráð að búa til nýjan veg í hlíðina og mokuðum við á ca. 15 metra kafla inní hlíðina til að tryggja okkur. Það gekk svo allt vel og við komumst inní Svínadal en þar er leiðin um verri heldur en vestan megin og mikið grjót á slóðanum.
Í bakaleiðinni ákváðum við að fara á Skálafell og þutum þar upp í fínu færi og skoðuðum leiðina sem við höfðum farið um Svínaskarð ofan frá.

Kíkið á myndir hér.

Hellisheiðin 13. febrúar 2007

2007-02-13T23:23:00.000Z

Hvað getur maður gert þegar úti er glampandi sól og veðurspáin segir rigning og suddi út vikuna. Jú maður fer út að hjóla. Fór í dag smá hring. Ók línuveginn frá ca. Bláfjallaafleggjaranum að jarðhita svæði Orkuveitunnar hjá skíðasvæði ÍR. Fann þar fyrirtaks draugasögu sem ég læt fylgja með hér, en þar stóð áður sæluhús við Draugatjörn. En var víst svo reimt að talið er að nokkrir hafi farist og að endingu var húsið flutt.

Jæja renndi uppá Hellisheiði eftir nýum vegi OR og fór inná heiðina. Fór fyrst í Innstadal þar sem ég og Einar höfðum lent í brölti í síðasta mánuði. Núna var fínasta færi og þónokkur snjór. Keyrði að báðum skálunum þar og svo aftur til baka og fór þá inní Reykjadal (þar sem hverirnir eru). Svo fór ég þúsundvatnaleiðina útá Ölkelduháls og kíkti aðeins yfir Þingvellina. Leist svo vel á að ég fór hina leiðina til baka, þ.e. niður að Þingvallavatni og svo Nesjavelli til baka. Súper dagur, 4 tímar eða svo og 130 km.

Læt einnig fylgja hér með nokkra myndir teknar í jan og des en allar myndirnar voru teknar á símann minn sem kemur jú oft í góðar þarfir þegar myndavélin gleymist heima.

Sjá myndir hér

Snæfellsjökull 9-11. febrúar 2007

2007-02-12T23:52:00.000Z

Um helgina fórum við Einar með nokkra skáta á Snæfellsnes í smá hvataferð fyrir duglega skátaforingja. Hluti af ferðinni fólst í smá ævintýri á Snæfellsjökul. Við héldum á jökulinn á laugardagsmorgni. Við ætluðum að reyna snjóþotu aftan í fjórhjólið en það gekk ekki alveg sem skyldi. Færið var svolítið þungt á köflum en með ólíkindum hvað hjólin drifu í brekkunum. Við fórum nú samt ekki á toppinn en ekki sást í hann meðan við vorum á jöklinum öfugt miðað við hvað sást í hann vel daginn á undan og eftir.
Annars gekk allt vel og voru 8 í heildina sem fengu að reyna sig á hjólunum. Á sunnudeginum fór Gylfi svo með 3 skáta inn með Hítará inn Hítardal ca. 20 km aðra leiðina. Það var fínasta reisa en við tókum ekki alveg réttan slóða svo við náðum ekki alveg innað Hítarvatni. Hraunið og áin í bland voru stórkostleg og alveg þess virði að skoða.
Í heildina tókst helgin frábærlega en bjart var allan tímann og ekki of kalt. Stjörnuskoðun í pottinum í húsinu að Vogum á Mýrum fullkomnaði þetta enda ekki oft sem borgarbörnin fá slíka sýningu af himnum ofan.
Hér eru nokkrar myndir af gleðinni. Smá clip af ferð yfir Hítará.

Fyrsta ferðin okkar Einars var 27-28. janúar og gistum við í Hólaskógi við Búrfellsvirkjun.

2007-02-05T20:48:00.000Z

Við vorum mættir rétt undir kvöldmat í Hólaskóg í "gangnamannahúsið" hjá Unnari og Helga sem þeir voru að taka við og ætla að gera út fyrirtækið sitt Óbyggðaferðir frá. Eftir má myndasýningu og ærlegan kvöldmat mættu Guðjón og Laxi á staðinn líka. Þá vorum við klárir í smá ljósakeyrslu. Ætlunin var að að ná í Landmannalaugar á sunnudeginum en taka bara smá hring á laugardagskvöldinu. Það fór þó öðru vísi því veðrið var uppá hið besta, tunglið skein og það sást í stjörnur. Þar sem veðurspáin var tvísýn daginn eftir var ákveðið að renna inní Landmannalaugar strax um kvöldið.
Lítill snjór var fyrr en upp í Dómadal var komið og þar var ótrúlega mikill krapi. Eftir brölt og mikið stuð áttuðum við okkur á því að klukkan var að ganga 4 um nóttina. Þá höfðum við lagt um 30 km leið að enn voru 25 km í Laugarnar. Við ætluðum ekki að gista þar og því var ákveðið að snúa við enda færði extra þungt. Leiðin var aðeins léttari til baka en þó náðum við að festa nokkrum sinnum. Um klukkan 6 vorum við komnir í skálann og var þá lagst til hvílu.
Við ræstum út um hádegi og var ákveðið að þrusa niður í Þjórsárdal eftir hliðarvegi að Stöng. Ekki hægt að segja annað en að það hafi verið þrusureið í krapa og pollum og yfir smá ár. Eftir að hafa stoppað í Reykholti í nokkrar mínútur fórum við neðar í Þjórsárdal og þar var tekin smá spyrna við grifjur þar. Þá var haldið eftir þjóðveginum til baka uppí skála enda sumir orðnir heldur seinir í bæinn.
Fyrsta ferð okkar Einars kom bara nokkuð vel út og voru við sáttir við tækin og félagsskapinn sem gat miðlað okkur af reynslubrunni til margra ára.
GÞG

Kíkið á myndir hér

Myndir af Esjuferð í Desember 2006

2007-01-30T01:41:00.000Z

Esjan skartar sínu fegursta í baksýn

Dvergarnir á fjórhjólum

2007-01-30T00:33:00.000Z

Nýja heimasíðan okkar Einars heitir dvergarnir á fjórhjólum. Það ræðst af sjálfsögðu af því að jeppinn hans Einars var skírður Mjallhvít enda snjóhvítur og fallegur. Hjólið hans er því Dvergur 1 og hjólið mitt (Gylfa) Dvergur 2.
Við ætlum að reyna að koma hér inn einhverjum ferðasögum og myndum og tengjum jafnvel síðuna síðar við aðra sem eru eitthvað að dútla í bransanum.